گوگل نیوز پر ہمیں فالو کریںپشاور: ترجمان پاکستان پیپلز پارٹی خیبرپختونخواہ کی رہنما سینیٹر روبینہ خالد نے مراد سعید کے بیانات پر ردعمل کا اظہار کرتے ہوئے کہا ہے کہ آٹا اور چینی اسکینڈل کے ذریعے عوام کی جیبوں پر ڈاکہ ڈالنے والے اب عوام کو اور گمراہ نہیں کر سکتے۔
پیپلزپارٹی کی قیادت پر تنقید کرکے مراد سعید اپنا بونا قد بڑھا نہیں سکتے۔ مراد سعید قوم کو اس سوال کا جواب دیں کہ ان کے لیڈر عمران خان کے خاندان کے اکاؤنٹس میں اربوں روپے کیسے آئے؟
روبینہ خالد نے کہا کہ سات سال سے پی ٹی آئی حکومت کے پی میں حکومت رہی ہے مگر اپنے صوبے میں ترقیاتی کاموں کے حوالے سے بتانے کا کچھ بھی نہیں ہے۔
انہوں نے کہا کہ آڈیٹر جنرل کی رپورٹ نے تصدیق کر دی ہے کہ موجودہ حکومت زکوٰۃ اور بیت المال کے پیسوں میں بھی اربوں کی کرپشن میں ملوث ہے۔
مزید پڑھیں:وزیراعلیٰ مراد علی شاہ کا سندھ میں کل سے مارکیٹس کھولنے کا اعلان
