گوگل نیوز پر ہمیں فالو کریںلاہور : قومی احتساب بیورو کے چیئرمین جسٹس (ر)جاوید اقبال کے خلاف پاکستان مسلم لیگ ق کے صدر چوہدری شجاعت حسین اور پنجاب اسمبلی کے اسپیکر چوہدری پرویز الٰہی کی جانب سے دائر درخواست کی سماعت 11 مئی تک ملتوی کردی گئی ہے۔
آج چوہدری برادران کی درخواست پر سماعت جسٹس سردار احمد نعیم کی سربراہی میں لاہور ہائیکورٹ کے دو رکنی بینچ کی ،چوہدری پرویز الٰہی عدالت میں پیش ہوئے۔
عدالت نے کیس میں نیب کے چیئرمین اور دیگر فریقوں کو 11 مئی تک جواب جمع کرانے کی ہدایت کی اور سماعت ملتوی کردی۔
چوہدری برادران نے بدھ کے روز نیب کے چیئرمین کے اختیارات کے خلاف لاہور ہائیکورٹ میں درخواست دائر کی تھی ۔
درخواست میں کہا گیا ہے کہ نیب چیئرمین جسٹس (ر) جاوید اقبال نے ہمارے خلاف قواعدسے ہٹ کر 19 سالہ پرانے کیسزکو دوبارہ کھول دیا ہے جس میں نیب پہلے بھی کچھ ثابت کرنے میں ناکام رہی تھی۔
مزید پڑھیں: نیب کا ایل این جی کیس میں شاہد خاقان عباسی کیخلاف ضمنی ریفرنس دائر کرنیکا فیصلہ
