گوگل نیوز پر ہمیں فالو کریںاسلام آباد: وزیرِ اعظم کے مشیر برائے تجارت و سرمایہ کاری عبدالرزاق داؤد نے کہا ہے کہ کورونا وائرس نے دنیا بھر میں کاروبار کے طریقے بدل دئیے ہیں۔
سماجی رابطے کی ویب سائٹ ٹوئٹر پر اپنے پیغام میں مشیرِ تجارت نے کہا کہ دنیا کو ہم جیسے جانتے تھے، ویسی نہیں رہی۔ کورونا وائرس نے اسے تبدیل کردیا ہے جبکہ کاروباری طریقے مکمل طور پر بدل گئے ہیں۔کورونا وائرس اور لاک ڈاؤن کے باعث عوام مشکلات کا سامنا کر رہے ہیں جس کے دوران نئے مواقع اور نئی پروڈکٹس سامنے آ رہی ہیں۔
پیغام میں مشیرِ تجارت نے کہا کہ لوگ نئے طریقے سے سوچ رہے ہیں جبکہ یہ پاکستان کے لیے ایک سنہری موقع ہے کہ میڈ اِن پاکستان پالیسی پر عمل شروع کردیا جائے جبکہ بہت سے کاروبار اپنی آخری سانسیں لے رہے ہیں۔ بہت سے مزدور ملازمتیں کھونے کے خوف میں مبتلا ہیں جبکہ یہاں پالیسی سازی کی ضرورت ہے۔
مشیرِ تجارت عبدالرزاق داؤد نے کہا کہ وقت کی ضرورت ہے کہ پاکستان ایسی پالیسی ترتیب دے جس کے تحت ہم سامان درآمد نہ کریں بلکہ پیداوار پاکستان میں ہی شروع کردی جائے۔
Many businesses are on the verge of closure, many labourers are under the threat of losing their jobs. Under the circumstances the need of the hour is a policy whereby we do not import, but make products in Pakistan. 2/3
— Abdul Razak Dawood (@razak_dawood) May 5, 2020
عبدالرزاق داؤد نے کہا کہ وزارتِ تجارت آنے والے بجٹ کیلئے انتہائی تیزی سے پالیسی میں تبدیلیاں لا رہی ہے جس کے تحت بجٹ میں ٹیرف کا ڈھانچہ ہی تبدیل کردیا جائے گا۔ حکومت مقامی پیداوار کو ترجیح دے گی جبکہ درآمدات کی بجائے پیداواری صلاحیت میں اضافہ کیا جائے گا۔ہم میک اِن پاکستان پالیسی بنا رہے ہیں۔
MOC is aggressively pursuing changes in the tariff structure for the upcoming budget,allowing us to facilitate local production thereby moving towards local manufacturing, pursuing our “Make In Pakistan Policy“ 3/3 @pid_gov @ImranKhanPTI @PTIofficial @appcsocialmedia @aliya_hamza
— Abdul Razak Dawood (@razak_dawood) May 5, 2020
