گوگل نیوز پر ہمیں فالو کریںاسلام آباد: وزیرِ اعظم پاکستان عمران خان آج شہرِ اقتدار میں واقع کامز ٹیک ہیڈ کوارٹرز کا دورہ کریں گے جہاں انہیں طبی سازوسامان کی نمائش کے بارے میں بریفنگ دی جائے گی۔
سماجی رابطے کی ویب سائٹ ٹوئٹر پر جاری کردہ وزیرِ اعظم آفس کے پیغام کے مطابق وزیرِ اعظم عمران خان وزارتِ سائنس و ٹیکنالوجی کی طرف سے پاکستان میں تیار کردہ طبی سازوسامان کا معائنہ کریں گے۔
دورے کے دوران وزیرِ اعظم عمران خان کو وفاقی وزیر برائے سائنس و ٹیکنالوجی فواد چوہدری اور پاکستان انجینئرنگ کونسل کے حکام طبی سازوسامان کی پاکستان میں تیاری کے مختلف مراحل سے آگاہ کریں گے۔
پاکستان سمیت دنیا بھر میں کورونا وائرس تیزی سے پھیل رہا ہے۔ کامز ٹیک ہیڈ کوارٹر میں وزیرِ اعظم عمران خان کو کورونا وائرس کی روک تھام کیلئے طبی سازوسامان کی تیاری پر بریفنگ دی جائے گی۔
کامز ٹیک ہیڈ کوارٹرز میں کورونا وائرس کی روک تھام کیلئے سینی ٹائزرز، حفاظتی لباس، وینٹی لیٹرز، ٹیسٹنگ کٹس اور ماسکس وغیرہ تیار ہوتے ہیں۔ وزیرِ اعظم عمران خان تمام طبی سازوسامان کی تیاری کا جائزہ لیں گے۔
Prime Minister @ImranKhanPTI will visit COMSTECH Headquarters in Islamabad today.#PMImranKhan #COVID19 pic.twitter.com/pcMWH0y3pD
— Prime Minister's Office (@PakPMO) April 30, 2020
