گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے گورنر سندھ عمران اسماعیل کا کورونا وائرس ٹیسٹ مثبت آنے پر تشویش کا اظہار کرتے ہوئے کہا ہے کہ گورنر عمران اسماعیل نہ صرف ہمارے دوست بلکہ ایک زبردست سیاسی رہنما ہیں۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر فواد چوہدری نے کہا کہ میرے لیے گورنر سندھ عمران اسماعیل نہ صرف دوست بلکہ استاد اور بھائی کی حیثیت رکھتے ہیں۔
وزیرِ سائنس و ٹیکنالوجی فواد چوہدری نے کہا کہ گورنر سندھ عمران اسماعیل کے جسم میں کورونا وائرس پایا گیا۔ ان کے کورونا وائرس ٹیسٹ مثبت آنے کی خبر پر مجھے بے حد افسوس ہوا ہے۔
پاکستان میں تیزی سے پھیلتے ہوئے کورونا وائرس پر تبصرہ کرتے ہوئے وفاقی وزیر فواد چوہدری نے کہا کہ اللہ تعالیٰ سے دعا کرتا ہوں کہ من حیث القوم ہم پر رحم و کرم فرمائے۔
For me Governor sindh @ImranIsmailPTI is not only a friend but a mentor and a brother very very perurbed on news about his CoronaVirus positive test, may Allah be kind on all of us….
— Ch Fawad Hussain (@fawadchaudhry) April 28, 2020
