گوگل نیوز پر ہمیں فالو کریںاسلام آباد: صدرِ مملکت ڈاکٹر عارف علوی نے کہا ہے کہ ملک میں کورونا وائرس کے باعث لاک ڈاؤن کے دوران آن لائن تعلیم کا ملک میں فروغ پانا قابلِ تحسین ہے۔
سماجی رابطے کی ویب سائٹ ٹوئٹر پر اپنے پیغام میں صدرِ پاکستان ڈاکٹر عارف علوی نے کہا کہ گزشتہ 20 سال سے مجھے آن لائن حصولِ علم میں دلچسپی رہی جبکہ میں نے چین میں 2006ء کے دوران جب میں ایشیاء کی پیسفک ڈینٹل فیڈریشن کا صدر تھا، اسے اپنا موضوعِ گفتگو بنایا۔
صدرِ مملکت ڈاکٹر عارف علوی نے کہا کہ کورونا وائرس نے پاکستان میں ایسے حالات پیدا کردئیے ہیں کہ اب پاکستان میں آن لائن تعلیم فروغ پا رہی ہے جسے میں انتہائی مثبت پیش رفت سمجھتا ہوں۔ اس سے طلباء کو تعلیمی عمل جاری رکھنے میں مدد ملے گی۔
I have been interested in online education since the last 20 years. Spoke on it in China in 2006 when I was the President of the Asia Pacific Dental Federation. Covid-19 has created the circumstances for this gigantic leap in Pakistan https://t.co/whzjHcMzwI
— Dr. Arif Alvi (@ArifAlvi) April 24, 2020
