گوگل نیوز پر ہمیں فالو کریںبدین: گورنر سندھ عمران اسماعیل وفاقی مشیر برائے بحری امور محمود مولوی اور پی ٹی آئی کے اراکینِ اسمبلی کے ہمراہ بدین پہنچ گئے جہاں انہوں نے انڈس ہسپتال میں کورونا وائرس کی حفاظتی کٹس تقسیم کیں۔
سماجی رابطے کی ویب سائٹ ٹوئٹر پر اپنے پیغام میں متحدہ قومی موومنٹ (پاکستان) کے رکنِ سندھ اسمبلی بیرسٹر حسنین مرزا نے کہا کہ ہم گورنر سندھ عمران اسماعیل اور ان کی ٹیم کے شکر گزار ہیں جبکہ انڈس ہسپتال بدین میں کورونا وائرس سے بچانے کے لیے حفاظتی کٹس کی ضرورت تھی۔
رکنِ سندھ اسمبلی بیرسٹر حسنین مرزا نے کہا کہ گورنر سندھ اور ان کی ٹیم نے انڈس ہسپتال میں حفاظتی کٹس تقسیم کیں جبکہ ضلعی انتظامیہ کو احساس ایمرجنسی کیش ٹرانسفر کیلئے اضافی سینٹرز کھولنے کی ہدایات دی گئیں۔
بیرسٹر حسنین مرزا نے کہا کہ ہیسکو کے 1 لاکھ 30 ہزار مستحقین کو تیز اور مؤثر امداد کی فراہمی کیلئے ضلع بدین میں اضافی احساس ایمرجنسی کیش ٹرانسفر سینٹرز قائم کیے جائیں گے تاکہ امداد کے عمل کو تیز کیا جاسکے۔
Grateful to Governor Sindh @ImranIsmailPTI &team for providing much needed PPE kits to @indus_hospital Badin. Directives to District Admin to open additional Ehsaas Emergency Cash transfer centres to provide fast&convenient relief to 130k beneficiaries. HESCO to improve services. pic.twitter.com/djumNcq2L8
— Barrister Hasnain Mirza, MPA (@barhasnainmirza) April 14, 2020
