گوگل نیوز پر ہمیں فالو کریںپشاور: نجی ٹی وی چینل جیو نیوز کی خبر پر خیبر پختونخواہ کے محکمۂ صحت نے تصحیح جاری کردی ہے جس کے تحت خیبر پختونخواہ میں 581 وینٹی لیٹرز دستیاب ہیں۔
نجی ٹی وی چینل جیو نیوز نے خبر دی کہ خیبر پختونخواہ میں صرف 55 وینٹی لیٹرز موجود ہیں جس پر صوبائی محکمۂ صحت حرکت میں آگیا۔
سماجی رابطے کی ویب سائٹ ٹوئٹر پر اپنے پیغام میں صوبائی محکمۂ صحت نے کہا کہ ہم اِس خبر کے حوالے سے ریکارڈ کی تصحیح کو ضروری سمجھتے ہیں۔ خیبر پختونخواہ میں 55 نہیں بلکہ 581 وینٹی لیٹرز ہیں۔
اعدادوشمار کو درست کرتے ہوئے صوبائی محکمۂ صحت نے کہا کہ کے پی کے کے سرکاری ہسپتالوں میں 402 وینٹی لیٹرز موجود ہیں جبکہ نجی ہسپتالوں میں 179 وینٹی لیٹرزہیں۔
محکمۂ صحت کی طرف سے جاری کردہ بیان میں کہا گیا کہ 55 وینٹی لیٹرز صرف ہمارے ڈسٹرکٹ ہیڈ کوارٹر ہسپتالوں میں دستیاب ہیں جبکہ نجی ٹی وی چینل کی خبر میں حقائق کو توڑ مروڑ کر پیش کیا گیا۔
We would like to set the record straight on this news item. There are a total of 581 ventilators available in KP. 402 in public hospitals and 179 in private hospitals. 55 ventilators are available just in our DHQs. This news report does misrepresents the facts. https://t.co/Ma3b8P1iwT
— Health Department KP (@HealthKPGovt) April 13, 2020
