کامران اکمل نے گھر میں ہی ورک آؤٹ شروع کردیا، ویڈیو وائرل

لاہور:موجودہ صورتحال کے پیش نظرہونے والے لاک ڈاؤن کی وجہ سے قومی کرکٹر کامران اکمل نے اپنے گھر میں ہی ورک آؤٹ شروع کردیا ہے اور سخت ٹریننگ کرکے وقت گزارنے لگے۔

میڈیا رپورٹ کے مطابق چین سے شروع ہونے والے کورونا وائرس نے عالمی وبا کی صورت اختیار کرلی ہے جس سے پوری دنیا سمیت پاکستان بھی متاثر ہورہا ہے۔

لاک ڈاؤن کی ایسی ہی صورتحال میں پاکستانی کھلاڑیوں نے بھی گھروں میں تنہائی اختیار کرلی ہے اور قرنطینہ میں جانے کے بعدخود کو فٹ رکھنے میں مصروف ہیں اور گھروں پر رہتے ہوئے مختلف مشاغل میں مصروف ہیں۔

#QuarantineLife #StayAtHomeSaveLives #caronavirusoutbreak #StayFitAtHome #pakistanlockdown pic.twitter.com/xKFPnZWk4R

— Kamran Akmal (@KamiAkmal23) April 10, 2020

قومی کرکٹر کامران اکمل نے بھی مائیکرو بلاگنگ سائٹ ٹوئٹر پر ورک آؤٹ ایٹ ہوم کی ویڈیو شیئر کی جس میں وہ گھر پر سخت اور منفرد انداز میں ٹریننگ میں اپنا وقت گزار رہے ہیں۔

واضح رہے کہ کورونا وائرس سے اب تک 203 ممالک متاثر ہوچکے ہیں جس میں 1 لاکھ 2 ہزار سے زائد اموات اور 17 لاکھ سے زائد افراد متاثر ہوچکے ہیں، 3 لاکھ 76 ہزار سے زائد مریض صحت یاب ہوچکے ہیں۔