گوگل نیوز پر ہمیں فالو کریںکراچی: سندھ کے دیہی علاقوں میں وزیرِ اعظم عمران خان کے احساس ایمرجنسی کیش پروگرام کے نام پر 500 روپے فی خاندان رشوت لینے کا انکشاف ہوا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر برائے ماحولیاتی تبدیلی زرتاج گل وزیر نے کہا کہ بہت ہی دُکھ اور افسوس کی بات ہے کہ غریب ترین طبقے کو بھی آج کل کے مشکل حالات میں سندھ کی انتظامیہ نے نہیں بخشا۔
وفاقی وزیر برائے ماحولیاتی تبدیلی زرتاج گل وزیر نے کہا کہ ہر وفاقی فنڈ حاصل کرنے والے سے 500 روپے لوٹے جا رہے ہیں۔ 12 ہزار کی بجائے 11 ہزار 500 دئیے گئے جبکہ عوام کی بھیڑ لگی ہوئی ہے۔ میڈیا کے کچھ دوست اس پر بھی یہ کہہ سکتے ہیں کہ سندھ سبقت لے گیا۔
https://twitter.com/zartajgulwazir/status/1248340030847942658
ٹوئٹر پر اپنے پیغام میں تحریکِ انصاف کے رکنِ سندھ اسمبلی عدیل احمد نے کہا کہ وزیرِ اعظم پاکستان عمران خان غریب عوام کو 12 ہزار روپے احساس ایمرجنسی کیش پروگرام کے تحت دے رہے ہیں جبکہ سندھ میں لوٹ مار جاری ہے۔
تحریکِ انصاف کے رکنِ سندھ اسمبلی عدیل احمد نے کہا کہ سندھ سرکار کی ناک کے نیچے غریبوں سے فی خاندان 500 روپے رشوت لی جا رہی ہے۔ احساس پروگرام کی سربراہ ڈاکٹرثانیہ نشتر سے اپیل کرتا ہوں کہ براہِ مہربانی اس معاملے کو دیکھیں۔ دیہی سندھ سے بہت شکایتیں موصول ہو رہی ہیں۔
وزیراعظم پاکستان ناداروں کو 12000 روپے #EhsaasEmergencyCash کی صورت میں دے رہے ہیں سندھ سرکار کی ناک کے نیچے یہاں غریبوں سے 500 روپے فی خاندان رشوت لی جارہی ہے@SaniaNishtar براۓ مہربانی اس معاملے کو دیکھیں، دیہی سندھ سے بہت شکایتیں موصول ہو رہی ہیں pic.twitter.com/R003audN73
— Adeel Ahmed (@AdeelAhmedSays) April 9, 2020
یاد رہے کہ اس سے قبل احساس ایمرجنسی کیش پروگرام کے تحت مستحق خاندانوں کو نقد امداد کی فراہمی شروع کردی گئی۔ امداد کی فراہمی کے مقامات پر خصوصی انتظامات کیے گئے۔
غربت کے خاتمے اور سماجی تحفظ سے متعلق وزیر اعظم کی معاون خصوصی ڈاکٹر ثانیہ نشتر نے سماجی رابطے کی ویب سائٹ ٹوئٹر پر گزشتہ روز اپنے پیغام میں کہا کہ پہلے مرحلے میں کفالت پروگرام سے مستفید افراد کو مالی معاونت کی دی جارہی ہے۔
مزید پڑھیں: کیش پروگرام کے تحت مستحقین کو امداد کی فراہمی شروع
