عالمی برادری کو کورونا وائرس پر ذمہ داریاں یاد دلانا چاہتے ہیں۔ایران

تہران: ایران کے صدر حسن روحانی نے کہا ہے کہ ہم کورونا وائرس جیسی عالمی وباء سے جنگ کے دوران عالمی برادری کو اس کی ذمہ داریاں یاد دلانا چاہتے ہیں۔

سماجی رابطے کی ویب سائٹ ٹوئٹر پرا پنے پیغام میں ایرانی صدر حسن روحانی نے کہا کہ میں چاہتا ہوں کہ عالمی برادری کورونا وائرس کے خلاف اپنی ذمہ داریاں یاد رکھے جبکہ ایران بھی عالمی مالیاتی فنڈ (آئی ایم ایف)  اور ورلڈ بینک کے اراکین میں شامل ہے۔

ایران کے صدر حسن روحانی نے کہا کہ عالمی برادری مختلف اقوام کے مابین تفریق اور امتیاز کا شکار ہے جو ایران کے لیے ناقابلِ قبول ہے جبکہ کورونا وائرس کے خلاف عالمی برادری کا یہ رویہ ہمارے ساتھ ساتھ عوامی رائے کے بھی خلاف ہے۔ 

I want to remind the international community of their duties in this pandemic crisis. We are a member of the International Monetary Fund (#IMF) and World Bank. It is unacceptable to discriminate between different nations, both for us and the global public opinion. #COVID19

— Hassan Rouhani (@HassanRouhani) April 8, 2020

واضح رہے کہ ہمسایہ ملک ایران کورونا وائرس سے متاثرہ ممالک کی فہرست میں ساتویں نمبر پر ہے۔ ایران میں کورونا کے باعث 3 ہزار 872 افراد زندگی کی بازی ہار چکے ہیں۔

کورونا وائرس سے ایران میں 62 ہزار 589افراد متاثر ہوئے ہیں جبکہ یہ وائرس ایران کے ساتھ ساتھ ہمسایہ ملک ایران، بھارت اور پاکستان میں بھی پھیل گیا ہے۔