پاکستان میں لوگوں کو کورونا کے ساتھ غربت سے بھی لڑنا ہے، وقار یونس

سڈنی:پاکستان کرکٹ ٹیم کے سابق کپتان اورقومی کرکٹ ٹیم کے موجودہ بالنگ کوچ وقاریونس نے کہاہے کہ وزیر اعظم عمران خان پاکستان کو مشکل صورتحال سے نکالنے کی اہلیت رکھتے ہیں اور مجھے یقین ہے کہ وہ اس صورتحال سے ملک کو باہر نکالنے میں کامیاب ہوجائیں گے۔

وقار یونس نے کہا کہ عمران خان جیسا حکم دیں گے اس پر عمل کروں گا، عمران خان ہی پاکستان کو کورونا وائرس کے سبب بنی اس مشکل صورتحال سے نکال سکتے ہیں۔

انہوں نے کہا کہ پاکستان میں لوگوں کو کورونا کے ساتھ غربت سے بھی لڑنا ہے۔ٹی ٹوئنٹی ورلڈکپ سے متعلق انہوں نے کہا کہ ٹوئنٹی ورلڈکپ بغیر تماشائیوں کی کروانے کا سوچا جاسکتا ہے۔

شرجیل خان کو اپنی فٹنس پر کام کرنا ہوگا اور شرجیل خان کے پاس ابھی بھی بہت وقت ہے۔وقار یونس نے سرفرازاحمد سے متعلق بات کرتے ہوئے کہا کہ سرفراز کی پرفارمنس پی ایس ایل میں تسلی بخش نہیں رہی۔