عاطف اسلم کی آوازمیں اذان کی ویڈیو وائرل،مداحوں کو سحر میں مبتلا کردیا

کراچی:پاکستان کے معروف گلوکار عاطف اسلم نے اپنی آواز میں اذان کی ویڈیو وائرل کردی ہے، ویڈیو کو دیکھنے والے داد دیئے بغیر نہ رہ سکے۔

عاطف اسلم نے اپنے یوٹیوب چینل اور انسٹاگرام پر اذان کی ویڈیو شیئر کی جس میں اذان کے ساتھ دکھائے جانے والے مناظر میں بیت اللہ،گنبد خضریٰ، قران کریم اور خدا کی قدرت شامل ہے۔

AZAN Recitation – Atif Aslamhttps://t.co/44ONnGgoLJ

— Atif Aslam (@itsaadee) April 4, 2020

عاطف اسلم کی آواز میں اذان نے سننے والوں پر رقت طاری کردی۔دوسری جانب عاطف اسلم نے کورونا لاک ڈاؤن کی موجودہ صورتحال کے باعث گھر میں مایوس ہوتے مداحوں کے لیے ان کی فرمائش پر ’تاجدارِ حرم‘ بھی پڑھی۔

واضح رہے کہ عاطف اسلم کی آوازمیں پڑھا گیا مشہور و معروف کلام ’تاجدارحرم‘ اور حمد باری تعالیٰ ’وہی خدا ہے‘ کی پذیرائی دنیا بھر میں ہوئی تھی اور سننے والے داد دیئے بغیر نہ رہ سکے تھے۔