آٹااورچینی چورآج بھی عمران خان کے دائیں بائیں کھڑے ہیں، اسفند یار

اسلام آبا د:عوامی نیشنل پارٹی کے سربراہ اسفند یار ولی خان نے اپنے ایک بیان میں کہا ہے کہ آٹااورچینی چورآج بھی عمران خان کے دائیں بائیں کھڑے ہیں۔

انہوں نے کہا کہ رپورٹ نے واضح کردیاہے کہ حکومت بنانے والے سرمایہ کاروں کوبہت کچھ دیاگیاہے۔

اسفند یار ولی نے کہا کہ عوام بہت پہلے جانتی تھی کہ اس ملک میں چینی چورکون ہیں، رپورٹ پبلک کرنے کاکریڈٹ لینے والے وزیراعظم یہ گیم ہوتے ہوئے کہاں تھے؟

انہوں نے کہا کہ اب ایسانہ ہوکہ اپنے خواص کوبچانے کیلئے کوئی نئی ایمنسٹی اسکیم لانیکی تیاریاں شروع کی جائیں۔

عدالت عظمیٰ کی جانب سے نااہل قراردیاگیاشخص حکومتی فیصلوں اورحکومتی مجالس میں بیٹھتا رہاہے۔

اسفند یار ولی نے کہا کہ اگرواقعی بلاتفریق احتساب کرناہے توآج سے ان ہی لوگوں کیخلاف کارروائی کاآغازکیا جائے۔