گوگل نیوز پر ہمیں فالو کریںاسلام آباد: پاکستان تحریکِ انصاف کے سینیٹر فیصل جاوید نے اپوزیشن سے تعلق رکھنے والے قومی رہنماؤں کو منفی سیاست سے اجتناب کا مشورہ دے دیا ہے۔
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید نے کہا کہ بڑے افسوس کی بات ہے۔ وہ جو سیاسی پوائنٹ اسکورنگ کر رہے ہیں، اپنے دور میں تو لیٹرین کے افتتاح پر بھی اپنی تصویریں لگایا کرتے تھے۔
سینیٹر فیصل جاوید نے کہا کہ وزیرِاعطم عمران خان کی ٹائیگر فورس میں کسی بھی قسم کی سیاسی برانڈنگ نہیں کی جارہی۔ پاکستان کے تمام نوجوانوں کا وزیرِ اعظم کی ٹائیگر فورس میں شمولیت کے لیے جذبہ قابلِ تحسین ہے۔
فیصل جاوید نے کہا کہ نوجوان چاہے کسی بھی سیاسی جماعت سے تعلق رکھتے ہوں، وہ پاکستانی قوم کا سرمایہ ہیں اور کورونا وائرس جیسی عالمی وباء اور لاک ڈاؤن کے دوران مستحقین کی امداد کے لیے ٹائیگرز کا کردار ادا کریں گے۔
بڑے افسوس کی بات ہےوہ جو سیاسی پوائنٹ سکورنگ کر رہےہیں اپنے دورمیں تو لیٹرین کے افتتاح پر بھی اپنی تصویر لگاتے تھے-یہاں تو کوئی سیاسی برانڈینگ نہیں کی جا رہی- پاکستان کے تمام جوانوں کا جذبہ قابل تحسین ہے چاہے وہ کسی بھی جماعت سے ہوں – نوجوان ہیں اس قوم کا سرمایہ ہیں – ٹائیگرز ہیں
— Faisal Javed Khan (@FaisalJavedKhan) April 3, 2020
