گوگل نیوز پر ہمیں فالو کریںاسلام آباد: وفاقی وزیر برائے سیفرون وانسدادِ منشیات شہریار آفریدی نے کہا ہے کہ کسی بھی مسلک کو کورونا وائرس سے جوڑ کر فساد نہ پھیلایا جائے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شہریار آفریدی نے کہا کہ تبلیغی جماعت ایک انتہائی پر امن اور انسانیت دوست جماعت ہے۔
تبلیغی جماعت کی تعریف کرتے ہوئے شہریار آفریدی نے کہا کہ یہ لوگ کبھی رنگ و نسل اور مسلک کی جنگ میں نہیں پڑے۔ تبلیغی جماعت دین اور اسلامی روایات کی محافظ ہے۔
وفاقی وزیر شہریار آفریدی نے کہا کہ سب لوگ مسلمان اور پاکستانی ہیں۔ کسی بھی مسلک کو کورونا وائرس سے جوڑ کر ملک میں انارکی نہ پھیلائی جائے۔
ملک میں پھیلتے ہوئے کورونا وائرس کے پیشِ نظر قوم کو اخوت اور بھائی چارے کا درس دیتے ہوئے شہریار آفریدی نے کہا کہ ہم سب کو مل کر اس وباء کا مقابلہ کرنا ہے۔
تبلیغی جماعت ایک انتہائی پر امن اور انسانیت دوست جماعت ہے جو کبھی رنگ نسل اور مسلک کی جنگ میں نہیں پڑے، تبلیغی جماعت دین اور اسلامی روایات کی محافظ ہے۔ سب مسلمان اور پاکستانی ہیں، کسی بھی مسلک کو کرونا سے جوڑ کر ملک میں انارکی نا پھیلائی جائے، سب نے ملکر اس وباء کا مقابلہ کرنا ہے pic.twitter.com/eUxU9ZUy1m
— Shehryar Afridi (@ShehryarAfridi1) April 1, 2020
