وزیر اعظم کی زیر صدارت قومی رابطہ کمیٹی کا اجلاس آج اسلام آباد میں ہوگا

اسلام آباد :وزیر اعظم عمران خان کی زیر صدارت کورونا وائرس سے متعلق قومی رابطہ کمیٹی کااجلاس اسلام آباد میں ہوگا۔

قومی رابطہ کمیٹی وبائی مرض کورونا اور ملک پر اس کے اثرات سے مؤثر طریقے سے نمٹنے کے طریقوں اور امداد کے ذرائع پر  غور و خوض کرے گی۔ صوبائی وزرائے اعلیٰ اور آزاد جموں و کشمیر کے وزیر اعظم اجلاس میں شریک ہوں گے۔

اس اجلاس میں موجودہ صورتحال میں سامان کی نقل و حمل کے بارے میں بھی بہت غور کیا جائے گا۔

مزید پڑھیں: مشترکہ مفادات کونسل کا اجلاس روزانہ ہونا چاہیے، شہباز شریف

قبل ازیں وزیر اعظم عمران خان نے کہا تھا کہ پاکستان میں کورونا وائرس کی صورتحال مزید خراب ہونے کا خدشہ ہے تاہم کیسزمیں اضافے کی شرح کا ایک ہفتہ کے دوران اندازہ کیا جاسکتا ہے۔

راولپنڈی میں کنٹونمنٹ جنرل اسپتال کی افتتاحی تقریب سے خطاب کرتے ہوئے وزیر اعظم نے کہا کہ حکومت جنوری سے کورونا وائرس کا مقابلہ کرنے کی تیاری کر رہی ہے۔