گوگل نیوز پر ہمیں فالو کریںکراچی: پاکستان تحریکِ انصاف نے آج اپریل فول کے موقعے پر عوام کو پیغام دیا ہے کہ لوگوں کو دُکھ کی بجائے خوشی دے کر حیران کریں۔
سماجی رابطے کی ویب سائٹ ٹوئٹر پر اپنے پیغام میں تحریکِ انصاف کی رکنِ سندھ اسمبلی دُعا بھٹو نے ان تمام لوگوں کا شکریہ ادا کیا جنہوں نے انہیں ایک غریب خاتون (اماں) کو ڈھونڈنے کے بعد حوصلہ دیا اور سراہا۔
تحریکِ انصاف کی رکنِ سندھ اسمبلی نے کہا کہ یکم اپریل کو اپریل فول منانے کی بجائے ہم سب کو مل کر ایسے تمام لوگوں کو دُکھ اور پریشانی دینے کی بجائے خوشی سے حیران کرنا چاہئے اور ان کی تکلیف کم کرنے کی کوشش کرنی چاہئے۔
رکنِ سندھ اسمبلی دُعا بھٹو نے ٹوئٹر پیغام کے ساتھ اپنی ایک ویڈیو شیئر کی۔ ویڈیو میں دُعا بھٹو نے کہا کہ اپریل فول سے ہمیں اسلامی تعلیمات روکتی ہیں کیونکہ اس میں لوگوں کو پریشان کیاجاتا ہے۔بعض اوقات اس قدر پریشان کیا جاتا ہے کہ لوگوں کو دل کا دورہ بھی پڑ جاتا ہے۔
اپریل فول کے موقعے پر غیر ذمہ دارانہ رویے کی مذمت کرتے ہوئے دُعا بھٹو نے کہا کہ ہمیں چاہئے کہ ہم لاک ڈاؤن سے متاثرہ مستحق خاندانوں کی مدد کریں۔ انہیں راشن دیں، کھانے پینے کی اشیاء اور طبی سامان بھی مہیا کریں۔
انہوں نے کہا کہ اپریل فول کے موقعے پر لوگوں کو تکلیف دینے کی بجائے کورونا وائرس کا سامنا کرنے والے ملک کے عوام کو ایک دوسرے کی مدد کرنی چاہئے۔ ہمیں چاہئے کہ ہم لوگوں کو مدد دے کر حیران کردیں۔ یہی اپریل فول منانے کا بہترین طریقہ ہے۔
اپ سب کا بہت شکریہ جنہوں نے مجھے اماں کو ڈھونڈنے کے بعد حوصلہ دیا اور ہمیں سراہایہ????????
اور کل جیسا کہ پہلی اپریل ہے آئیں ہم سب مل کر ایسے لوگوں کو دیکھ پریشانی صدمہ دینے کے بجائے خوشی سے حیران کریں تکلیف کم کرنے کی کوشش کریں https://t.co/F1YYRl5Fyt pic.twitter.com/jufwpvbCvf— DuaBhuttoPTI (@Dua_KamilBhutto) March 31, 2020
یاد رہے کہ پاکستان سمیت دنیا بھر میں اپریل فول آج منایا جارہا ہے جس کے تحت لوگ طرح طرح کے حیلے بہانوں سے ایک دوسرے کو بے وقوف بنانے کی کوشش کرتے ہیں۔
یہ دن دنیا بھر میں یکم اپریل کو منایا جاتا ہے جس کا مقصد تفریح اور ہنسی مذاق ہے، تاہم بعض اوقات اس دن کی نوعیت انتہائی سنجیدہ ہوجاتی ہے جس سے عوام کے جذبات کو ٹھیس پہنچتی ہے اور لوگ ایک دوسرے کا مذاق اڑا کر ان کی توہین کرتے ہیں۔
مزید پڑھیں: پاکستان سمیت دنیا بھر میں اپریل فول آج منایا جا رہا ہے
