پابندی ختم، سعودی عرب نے طواف کعبہ کی اجازت دی

ریاض: سعودی عرب کے حکام نے طواف کعبہ کی اجازت دیدی ہے تاہم بہت کم لوگوں کو طواف کرنے کی اجازت ہوگی،یہ اعلان سرکاری ٹویٹر اکاؤنٹ پر کیا گیا ہے ۔

ٹویٹ میں کہا گیا ہے ،طواف میں دوبارہ شروع ہوگیا ہے تاکہ لوگوں کو ان کی رسومات ادا کرنے کی اجازت دی جائے۔

اس سے قبل سعودی عرب نے کورونا وائرس کے پھیلائو کے پیش نظر طواف کعبہ پر عارضی طور پر پابندی عائد کردی تھی۔

مزید پڑھیں:سندھ میں کورونا متاثرین کی تعداد508سے بڑھ کر627تک پہنچ گئی

یہاں یہ امر قابل ذکر ہے کہ سعودی عرب نے کورونا وائرس کے پھیلاؤ کو روکنے کے لئے 23 دن کے لئے جزوی کرفیو نافذ کررکھا ہے۔

اب تک سعودی عرب میں کورونا وائرس لگ بھگ 8 افراد کی زندگیاں نگل چکا ہے اور 1400 سے زیادہ افراد کو متاثر کیا ہے۔