گوگل نیوز پر ہمیں فالو کریںاسلام آباد:صدرِ مملکت ڈاکٹر عارف علوی نے نمازِ جمعہ پر پابندی لگانے کے حوالے سے علمائے کرام سے مشاورت کے بعد کہا ہے کہ اتفاقِ رائے یکطرفہ کارروائی سے بہتر ہے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے بتایا کہ گزشتہ روز مساجد میں فرض نماز اور جمعہ سے متعلق مشاورت میں 80 سے زائد علمائے دین شریک ہوئے۔
ٹوئٹر پیغام میں صدرِ مملکت نے کہا کہ مشاورت کے بعد یہ فیصلہ کیا گیا کہ مساجد کو بند نہیں کیاجانا چاہئے، تاہم حکومت کورونا وائرس کی وباء میں نمازیوں کی تعداد کو 4 سے 5 افراد تک محدود کرسکتی ہے۔
نمازِ جمعہ پر پابندی لگانے کے حوالے سے فیصلے کے بارے میں صدرِ پاکستان ڈاکٹرعارف علوی نے کہا کہ اتفاقِ رائے یکطرفہ کارروائی سے کہیں بہتر ہے۔
صدرِ مملکت ڈاکٹر عارف علوی نے کورونا وائرس کی وجہ سے پیدا ہونے والی صورتحال کے متعلق مختلف مسالک سے تعلق رکھنے والے علماء کے ساتھ گزشتہ روز ویڈیو کانفرنس کی اور لوگوں میں آگہی پیدا کرنے کے لیے ان سے تعاون کی اپیل کی۔
مساجد میں فرض نماز اور جمعہ سے متعلق مشاورت میں 80 سے زائد علماء نے شرکت کی ۔ یہ فیصلہ کیا گیا کہ مساجد کو بند نہیں کیا جانا چاہئے لیکن حکومت اس وبا کے بحران میں نمازیوں کی تعداد کو چار / پانچ افراد تک محدود کر سکتی ہے۔ اس طرح کا اتفاق رائے یکطرفہ کارروائی سے کہیں بہتر ہے۔ https://t.co/rVh15oSiyN
— Dr. Arif Alvi (@ArifAlvi) March 26, 2020
کورونا وائرس کی روک تھام کیلئے صدرِ مملکت نے گزشتہ ہفتے کی طرح آج بھی نمازگھر پر ادا کرنے کا فیصلہ کیا ہے۔ اس حوالے سے ٹوئٹر پر اپنے پیغام میں صدرِ مملکت نے کہا کہ آج میں نمازِ ظہر گھر پر ادا کروں گا۔
پیغام میں صدر عارف علوی نے کہا کہ میں دنیا و دین کے دانشمندترین پیغمبر ﷺ کی پیروی کرتا ہوں۔ انہوں نے اپنے امتیوں کو بارش اور سردی کے موسم میں اور بیماری سے بچنے کے لیے بھی نماز گھر پر ادا کرنے کی اجازت دی ہے۔
ڈاکٹر عارف علوی نے کہا کہ میری دُعا ہے کہ اللہ تعالیٰ ہمیں معاف فرمائے اور کورونا وائرس جیسی عالمی وباء سے پوری قوم کو محفوظ و مامون فرمائے۔
Like on the previous Jumu'ah I will pray Zohar at home. I follow a very considerate Prophet ﷺ who allowed people to pray in their homes to avoid rain or cold weather or even to avoid a sickness. My prayer is that 'May Allah forgive us and help us overcome this Corona pandemic'.
— Dr. Arif Alvi (@ArifAlvi) March 27, 2020
