”سلیوٹ سلام“کورونا کیخلاف آگاہی مہم پر فخر زمان نے ویڈیو جاری کردی

کراچی:قومی کرکٹ ٹیم کے اوپننگ مایہ ناز بلے باز فخرزمان کورونا وائرس کے خلاف مہم میں شامل ہوگئے۔ فخر زمان کا کہنا ہے کہ ”سلیوٹ سلام“ کی عادت اپنا کر خود کو کرونا سے بچائیں۔

Fakhar Zaman presents full-support to @GOPunjabPK in countering Corona Virus. Here are a few vital health tips to keep you safe!#DamaDamMast #MainHoonQalandar #DilSe #HBLPSL #MSvLQ #CoronaVirusPakistan pic.twitter.com/F4S1AjErrS

— Lahore Qalandars (@lahoreqalandars) March 15, 2020

قومی ٹیم اور لاہور قلندرز کے مایہ ناز بلے باز فخرزمان نے پنجاب حکومت کی جانب سے شروع کی جانے والی آگاہی مہم ”سلیوٹ سلام“ کے حوالے سے اپنا ویڈیو بیان جاری کیا‘ان کا کہنا تھا کہ وائرس کے خلاف جنگ میں ہم سب متحد ہیں، پوری دنیا کورونا سے نبرد آزما ہے، صرف اور صرف احتیاط، احتیاط اور احتیاط ہی اس کا توڑ ہے۔

فخرزمان نے کہا کہ حالات کے تقاضے کے پیش نظر بار بار ہاتھوں کو دھوئیں، غیر ضروری میل ملاپ سے اجتناب کریں، شہری حکومت پنجاب کے ساتھ تعاون کو یقینی بنائیں، انہوں نے اس عزم کا اعادہ کیا کہ حکومت، ڈاکٹرز اور پیرامیڈیکل سٹاف کے ساتھ مل کر کورونا کو شکست دیں گے اور انشاء اللہ اس کا خاتمہ کردیں گے۔