گوگل نیوز پر ہمیں فالو کریںراوالپنڈی:(آئی ایس پی آر) کے مطابق شمالی وزیرستان کے علاقے دتہ خیل میں دہشت گردوں کے خلاف انٹیلیجنس آپریشن کے دوران کارروائی میں 7 دہشت گرد واصل جہنم ہوگئے جبکہ اس دوران آرمی کے 4جوانوں نے جام شہادت نوش کیا۔
آپریشن دہشت گردوں کے خفیہ ٹھکانے میں دہشت گردوں کی موجودگی کی اطلاع پر کیا گیا، آپریشن کے دوران گھات لگائے دہشت گردوں نے فورسز پر بھاری ہتھیاروں کا استعمال کرتے ہوئے فائرنگ کردی۔ جس کے نتیجے میں ایک افسر سمیت فورسز کے 4 جوان بھی شہید ہوگئے جب کہ جوابی کارروائی میں تمام 7 دہشت گرد وں کو ہلاک کردیا گیااور بھاری مقدار میں بارود اور اسلحہ کوقبضے میں لے لیا گیاہے۔
شہید ہونے والے جوانوں میں 26 سالہ لیفٹیننٹ آغامقدس علی خان، حوالدار قمر ندیم اور 24 سالہ سپاہی محمد قاسم جب کہ 23 سالہ سپاہی توصیف شامل ہیں۔
