لاڑکانہ میں چار روزہ انسداد پولیو مہم کل سے شروع ہوگی

لاڑکانہ: سندھ کے ضلع لاڑکانہ 30ہزار سے زائد بچوں کو پولیو ویکسین کے قطرے پلانے کے لئے چار روزہ انسداد پولیو مہم پیر سے شروع ہوگی۔

16 مارچ 2020 سے شروع ہونے والی چار روزہ مہم کے دوران پانچ سال تک کے 306850 سے زائد بچوں کو انسداد پولیو کے قطرے پلائے جائیں گے۔

ڈسٹرکٹ ہیلتھ آفیسر لاڑکانہ ڈاکٹر سید امجد شاہ نے بتایا کہ لگ بھگ 815 موبائل ٹیمیں تشکیل دی گئی ہیں جو بچوں کو پولیو ویکسین پلانے کے لئے ضلع کے تمام علاقوں کا دورہ کریں گی۔

ڈاکٹر سید امجد شاہ نے کہا کہ چار روزہ انسداد پولیو مہم کے دوران پولیو ٹیمیں ریلوے اسٹیشن ، بس اسٹاپس اور ضلع کے مختلف بازاروں سمیت تمام جگہوں پربچوں کو مہم میں شامل کرنے کا انتظام کریں گی۔

انہوں نے والدین پر زور دیا کہ وہ قومی پولیو ٹیموں کو قومی انسداد پولیو مہم کو کامیاب بنانے کے لئے موبائل پولیو ٹیموں کے ساتھ تعاون کریں۔

ڈی ایچ او نے مذہبی اسکالرز ، منتخب نمائندوں ، این جی اوز اور مقامی برادری پر بھی زور دیا کہ وہ مہم کو کامیاب بنائیں تاکہ پورے ضلع کے بچوں کو اس بیماری سے بچاؤ کے قطرے پلائے جاسکیں۔

اس سے قبل ، ہفتہ کو سندھ اور خیبر پختون خوا میں پولیو کے مزید دو نئے کیس سامنے آئے جس سے پورے ملک میں 2020 میں سامنے آنے والے پولیو کیسز کی کل تعداد 31 ہوگئی۔

مزید پڑھیں:پاکستان میں پولیو کو روکنے کیلئے سیاسی اتفاق رائے ناگزیر ہے

ایک تین سالہ بچی فریحہ جو خیبر پختون خوا کے ضلع خیبر سے تعلق رکھتی ہے اس کو پولیو ہوگیاہے جبکہ دوسری کا تعلق نوشہرہ فیروز سندھ کے مورو کی رہائشی تین سالہ بچی کوپولیو ہوا ہے۔