گوگل نیوز پر ہمیں فالو کریںاسلام آباد: عالمی یومِ خواتین کے موقعے پر صدرِ مملکت ڈاکٹر عارف علوی نے اپنے پیغام میں پاکستان میں خواتین کو ہر شعبے میں یکساں مواقع دینے کا عزم کیا ہے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ قائدِ اعظم محمد علی جناح کے مطابق خواتین کی طاقت قلم اور تلوار سے زیادہ ہے۔
اپنے پیغام میں صدرِ مملکت ڈاکٹر عارف علوی نے کہا کہ خواتین کے عالمی دن کے موقعے پر ہمارا یہ عزم ہے کہ پاکستان کو بطور ریاست اور اس کے تمام شہریوں کو خواتین کے حقوق کے لیے یکجہتی کا مظاہرہ کرنا ہوگا۔
صدرِ مملکت ڈاکٹر عارف علوی نے کہا کہ خواتین کو تعلیم، صحت، ملازمت کے مواقع، وراثتی حقوق، تمام شہروں میں تحفظ سمیت تمام حقوق دئیے جائیں گے جبکہ ملک میں خواتین پر کوئی ظلم و تشدد نہیں ہوگا۔
Power of women is greater than the pen and sword (Jinnah).
On #WomensDay we agree that Pakistan as a state & all its citizens must ensure for Women:
Equal opportunities in education, health & jobs;
Inclusion;
Ensure inheritance;
Safety in all spaces;
No harassment & no violence. pic.twitter.com/ta6r92MnUD— Dr. Arif Alvi (@ArifAlvi) March 8, 2020
یاد رہے کہ پاکستان سمیت دنیا بھر میں خواتین کا عالمی دن آج منایا جارہا ہے جس کے دوران صنفی مساوات اور خواتین کے حقوق سمیت خواتین سے متعلق متعدد موضوعات پر سیمینارز، بحث مباحثوں اور ریلیوں کا انعقاد کیا جائے گا۔
اقوامِ متحدہ 2030ء تک دنیا بھر میں صنفی امتیاز کا خاتمہ چاہتا ہے جس کے لیے دنیا کے ہر شعبے سے منسلک خواتین کو مردوں کے برابر رتبہ دینے کے حوالے سے پیش رفت کا جائزہ لیا جائے گا۔
مزید پڑھیں: عالمی یومِ خواتین پاکستان سمیت دنیا بھر میں آج منایا جارہا ہے
