گوگل نیوز پر ہمیں فالو کریںنئی دہلی: بالی ووڈ کے نامور نغمہ نگار جاوید اختر نے دہلی میں جاری مسلم کش فسادات پر خاموشی توڑتے ہوئے کہا ہے کہ دہلی میں بہت سے لوگ ہلاک اور زخمی ہو گئے ہیں۔
سماجی رابطے کی ویب سائٹ ٹوئٹر پر اپنے پیغام میں نامور نغمہ نگار جاوید اختر نے کہا کہ دہلی میں کتنے ہی لوگ ہلاک اور زخمی ہوئے، کتنے ہی گھر جلائے گئے، کتنی ہی دکانوں کو لوٹ لیا گیا اور لوگوں کو بے گھر کردیا گیا۔
بالی ووڈ نغمہ نگار جاوید اختر نے کہا کہ گھر جلانے اور ہلاکتوں کی تمام تر صورتحال کے باوجود پولیس نے صرف ایک گھر کو سیل کرنے کے بعد اس کے مالک کی تلاش شروع کی ہے۔
سیل کیے جانے والے گھر کے متعلق نغمہ نگار جاوید اختر نے کہا کہ اتفاق سے گھر کے مالک کا نام طاہر ہے۔پولیس اہلکاروں کی کارکردگی پر طنز کرتے ہوئے انہوں نے کہا کہ دہلی پولیس کی مستقل مزاجی کو سلام پیش کرتا ہوں۔
So many killed , so many injured , so many house burned , so many shops looted so many people turned destitutes but police has sealed only one house and looking for his owner . Incidentally his name is Tahir . Hats off to the consistency of the Delhi police .
— Javed Akhtar (@Javedakhtarjadu) February 27, 2020
یاد رہے کہ اس سے قبل بھارتی اپوزیشن جماعت کانگریس کی رہنما سونیا گاندھی نے کہا کہ وزیر داخلہ امیت شاہ دہلی میں صورتحال کی ذمہ داری قبول کرکے استعفیٰ دیں۔
بھارتی ٹی وی کے مطابق2 روز قبل سونیا گاندھی نے میڈیا سے گفتگو کے دوران دہلی کی کشیدہ صورتحال پر امیت شاہ کے استعفی کا مطالبہ کرتے ہوئے کہا کہ صورتحال قابو میں کرنے کے لیے اضافی نفری تعینات کی جائے۔
مزید پڑھیں: امیت شاہ دہلی کی صورتحال پر استعفیٰ دیں۔سونیا گاندھی
