پاکستان سپر لیگ میں سنسنی خیز مقابلے کے بعد کوئٹہ گلیڈی ایٹرز نے اسلام آباد یونائیٹڈ کو 5 وکٹوں سےشکست دے دی۔
اسلام آباد نے پہلے کھیلتے ہوئے کوئٹہ گلیڈی ایٹرز کو 188 رنز کا ہدف دیاجوکوئٹہ گلیڈی ایٹرز نے 5 وکٹوں کے نقصان پر 19.4 اوورز میں حاصل کرلیا۔
اسلام آباد یونائیٹڈ نے کوئٹہ گلیڈی ایٹرز کی دعوت پر بیٹنگ کا آغاز کیا، 11 کے مجموعی اسکور پر لیوک رونکی 11 رنز بناکر آؤٹ ہوگئے، انہیں نسیم شاہ نے بولڈ کیا۔
اسلام آباد کی دوسری وکٹ 36 رنز پر گری جب ڈیوڈ میلان 10 رنز بناکر نسیم شاہ کی گیند پر بولڈ ہوگئے، کولن منرو بھی 31 رنز بناکر حسنین کا شکار بن گئے۔ اس کے بعد شاداب خان اور کولن انگرام نے ذمہ دارانہ اننگز کھیلی۔
تین وکٹیں گرنے کے بعد کولن انگرام اور کپتان شاداب خان نے ٹیم کے اسکور کو آگے بڑھایا اور کوئٹہ کو بڑا ہدف دینے میں اہم کردار ادا کیا، دونوں کھلاڑیوں نے 76 رنز کی عمدہ شراکت قائم کی جس کے بعد شاداب خان 39 رنز بنا کر 132 کے مجموعے پر کیچ آؤٹ ہوگئے۔
کولن انگرام نے اپنی جارحانہ بیٹنگ کی بدولت 63 رنز بناکر ناٹ آؤٹ رہے۔ کوئٹہ کی جانب سے نسیم شاہ اور ٹائمل ملز نے دو دو جبکہ محمد حسنین اور بین کٹنگ نے ایک ایک کھلاڑی کو آؤٹ کیا۔
کوئٹہ گلیڈی ایٹرز نے اننگز کا آغاز کیا تو اوپنرز جیسن روئے اور شین واٹسن نے ٹیم کو 41 رنز کا آغاز فراہم کیا، واٹسن 9رنز بنانے کے بعد پویلین لوٹےجس کے بعداحمد شہزاد نے دو چھکے مارنے کے بعد تیسرے چھکے کی کوشش میں انہی کی گیند پر اسٹمپ ہو گئے۔
اعظم خان بھی 10 رنز بناکر پویلین لوٹ گئے جس کے بعد کپتان سرفراز احمد نے جیسن رائے کا ساتھ دیا تاہم جیسن رائے 50 رنز بناکر آؤٹ ہوگئے، اس کے بعد سرفراز نے محمد نواز کے ساتھ مل کر اہم اننگز کھیلی اور 20 گیندوں پر 33 رنز بناکر آؤٹ ہوئے۔
اس کے بعد تجربہ کار بین کٹنگ نے موقع کی مناسبت سے جارحانہ بلے بازی کی اور آخری اوور کی چوتھی گیند پر کوئٹہ کی کشتی پار لگادی، یوں کوئٹہ نے 188 رنز کا ہدف آخری اوور میں 5 وکٹوں کے نقصان پر پورا کر لیا۔
گوگل نیوز پر ہمیں فالو کریں
