احساس پروگرام سے متوسط طبقے کو ریلیف ملے گا، نصرت واحد

کراچی : پاکستان تحریک انصاف کی رکن قومی اسمبلی نصرت واحد نے کہا ہے کہ احساس پروگرام سے متوسط طبقے کو بھرپور ریلیف ملے گا۔ حکومت متوسط طبقے کا معیار زندگی بہتر بنانے کیلئے بھرپور اقدامات کررہی ہے۔

ماہانہ ضرورتمندوں کو قرضے بھی فراہم کیے جارہے ہیں جس سے وہ کوئی بھی اپنا کاروبار شروع کرسکیں۔ فٹ پاتھ پر سونے والے افراد کیلئے پناہ گاہ پروگرام شروع کیا گیا۔

مزید پڑھیں:احساس آمدن پروگرام غریبوں کو اپنے پائوں پر کھڑا کرنے کے منصوبہ ہے ،ثانیہ نشتر

ملک میں مہنگائی و بیروزگاری کے خاتمے کیلئے بھی موثر اقدامات کیے جارہے ہیں۔

ان خیالات کا اظہار انہوں نے پارٹی کارکنان کے وفد سے گفتگو کرتے ہوئے کیا۔ انہوں نے مزید کہا کہ صحت و تعلیم ، انصاف اور تھانوں کا نظام بہتر بنانے کیلئے مناسب حکمت عملی اختیار کی گئی ہے۔ ملک میں ریاست مدینہ کی طرز پر نظام لانا چاہتے ہیں۔