گوگل نیوز پر ہمیں فالو کریںلاہور: چیئرمین پاکستان پیپلزپارٹی بلاول بھٹو زرداری کا کہنا ہے کہ حکومت نے آئی ایم ایف کی ساری شرائط تسلیم کرکے نالائقی کا ثبوت دیا، یہ کس قسم کی آئی ایم ایف پی ٹی آئی ڈیل ہے، حکومت نہیں جانتی معیشت کیسے چلائی جاتی ہے۔
لاہور میں میڈیا سے گفتگو کرتے ہوئے بلاول بھٹو زرداری کا کہناتھا کہ عالمی مالیاتی فنڈ (آئی ایم ایف) نے پاکستان آکر اپنے ہی نمائندوں سے مذاکرات کیے، حکومت نے آئی ایم ایف کی تمام شرائط تسلیم کیں۔
بلاول بھٹو زرداری کاکہناتھا کہ یہ کس قسم کی آئی ایم ایف پی ٹی آئی ڈیل ہے، حکومت نہیں جانتی معیشت کیسے چلانی ہے، حکومت نے غریبوں کے بجائے امیروں کو سہولت دی جب کہ حکومت کا آئی ایم ایف سے معاہدہ نااہلی اور نالائقی ہے۔
انہوں نے کہا کہ پاکستان پیپلزپارٹی حکومت میں آنے کے بعد پہلا کام تنخواہ میں اضافے کا کرتی ہے، روزگار دینے کے بجائے عوام کو بے روز گار کیا جارہا ہے، حکومت معیشت سے جان نکال رہی ہے۔
بلاول بھٹو نے کہا کہ عام آدمی سے گھر چھین رہے ہیں اور دکانیں گرا رہے ہیں جب کہ قومی خزانے کا پیسہ عوام تک نہیں پہنچ رہا، آج نوجوان ہاتھوں میں ڈگری لیکر گھوم رہے ہیں جب کہ جو برسر روزگار ہیں انہیں بے روزگار کیا جارہا ہے۔
یہ بھی پڑھیں: ایف اے ٹی ایف حکام پاکستان کو نکات پر عمل درآمد کیلئے مزید مہلت دینے پر رضامند
