گوگل نیوز پر ہمیں فالو کریںکراچی: ترجمان سندھ حکومت بیرسٹر مرتضیٰ وہاب نے سکھر کی مقامی حکومت کی مثال سامنے رکھتے ہوئے اس کے مقابلے میں میئر کراچی وسیم اختر کو تنقید کا نشانہ بنایا ہے۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت مرتضیٰ وہاب نے کہا کہ سکھر میں نئی سڑکیں تعمیر کی گئی ہیں جن پر روشنی کا بھی مناسب انتظام کیا گیا ہے۔
پیغام میں ترجمان سندھ حکومت مرتضیٰ وہاب نے کہا کہ یہ سڑکیں سندھ کی مقامی حکومت نے تعمیر کی ہیں۔ حیرت کی بات یہ ہے کہ سکھر کے میئر تو ایسے تعمیراتی پروجیکٹس پر کام کرسکتے ہیں لیکن میئر کراچی نہیں کرسکتے۔
ترجمان سندھ حکومت نے میئر کراچی وسیم اختر پر تنقید کرتے ہوئے کہا کہ میئر کراچی وسیم اختر ہمیشہ اختیارات کا رونا روتے رہتے ہیں، جبکہ سکھر کے میئر نے روشنیوں کے ساتھ سڑکیں تعمیر کی ہیں۔
Sukkur looks nice with the newly built roads properly lit up at night. The video shows various roads built by the Local Govt of Sukkur. Interestingly, the Mayor of Sukkur can work & build projects but the Mayor of Karachi keeps harping about his powers only #SindhFacts pic.twitter.com/F52L7cNW8Z
— Murtaza Wahab Siddiqui (@murtazawahab1) February 20, 2020
یاد رہے کہ اس سے قبل ترجمان سندھ حکومت بیرسٹر مرتضیٰ وہاب نے کہا کہ قومی ادارہ برائے امراضِ قلب (این آئی سی وی ڈی) میں 43 ہزار 766 مریضوں کا مفت علاج کیا جاچکا ہے۔
ٹوئٹر پر گزشتہ ماہ اپنے پیغام میں بیرسٹر مرتضیٰ وہاب نے کہا کہ سندھ حکومت نے این آئی سی وی ڈی قائم کیا، اس میں ہونے والا مہنگا ترین علاج صوبائی حکومت کے فنڈز سے ہوتا ہے۔
مزید پڑھیں: 43 ہزار 766 مریضوں کا مفت علاج کیا گیا۔مرتضیٰ وہاب
