گوگل نیوز پر ہمیں فالو کریںاسلام آباد : خصوصی عدالت کی تشکیل کو غیر آئینی قرار دینے کے معاملے پر لاہور ہائیکورٹ کا 13 جنوری کا فیصلہ سپریم کورٹ میں چیلنج کر دیا گیا ۔
ہائیکورٹ کا فیصلہ سابق صدر ہائیکورٹ بار راولپنڈی توفیق آصف نے چیلنج کیا ،جس میں استدعا کی گئی کہ لاہور ہائیکورٹ کے فیصلے کو غیر آئینی قرار دیتے ہوئے کالعدم قرار دیا جائے۔ استدعا کی گئی کہ ہائیکورٹ کا عدالت کو غیر آئینی قرار دینے کا فیصلہ کالعدم قراردیا جائے۔
درخواست میں کہاگیاکہ لاہور ہائیکورٹ کو خصوصی عدالت کی تشکیل کی درخواست پر دائرہ سماعت نہیں تھا۔ درخواست میں کہاگیاکہ ہائیکورٹ نے اپنے فیصلے میں 18 ویں آئینی ترمیم کی آرٹیکل 6 میں ترمیم کی صحیح تشریح نہیں کی۔
درخواست میں کہاگیاکہ ہائیکورٹ کا حکم آرٹیکل 6 جس کو آئین میں خاص اہمیت حاصل یے کو غیر موثر کردیا ہے۔ درخواست میں کہاگیاکہ پرویز مشرف 2016سے مفرور ہیں،اس وجہ سے انکی عدم موجودگی میں ٹرائل چلانے کا حکم دیا گیا۔
یہ بھی پڑھیں: لاہور ہائیکورٹ: خصوصی عدالت کالعدم، پرویز مشرف کا ٹرائل غیر قانونی قرار
