گوگل نیوز پر ہمیں فالو کریںپاکستان تحریکِ انصاف کے سینئر مرکزی رہنما و سابق صوبائی وزیر عبدالعلیم خان نے کہا ہے کہ وزیر اعظم عمران خان کی سفارتی کاوشوں سے پاک امریکا تعلقات میں مسئلہ کشمیر اہمیت اختیار کر گیا ہے۔
سماجی رابطے کی ویب سائٹ ٹوئٹر پراپنے پیغام میں پی ٹی آئی رہنما عبدالعلیم خان نے کہا کہ امریکی صدر ڈونلڈ ٹرمپ نے مسئلۂ کشمیر پر ایک بار پھر ثالثی کی پیشکش اسی لیے کی کہ مسئلۂ کشمیر اہم ہے۔
تحریکِ انصاف رہنما عبدالعلیم خان نے کہا کہ پاک امریکا تعلقات میں بہتری خوش آئند ہے۔ اس سے دونوں ممالک کے علاقائی و عالمی مفادات میں ممکنات کے نئے دور کا آغاز ہوگا۔
Due to the diplomatic efforts of PMIK, Kashmir has become an important issue in Pak-US relations & that’s why once again @realDonaldTrump has offered mediation.Improving PAK-US relations will open new possibilities for the regional & global interests of both countries.#Davos2020
— Abdul Aleem Khan (@abdul_aleemkhan) January 22, 2020
یاد رہے کہ اس سے قبل تحریک انصاف کے سینئر رہنما و سابق سینئر وزیر عبدالعلیم خان نے کہا کہ بھارت کا جنگی جنون پورے خطے کے امن و امان کے لیے خطرناک اور داخلی انتشار سے توجہ ہٹانے کی کوشش ہے۔
ٹوئٹر پر ایک ماہ قبل اپنے پیغام میں رہنما پی ٹی آئی عبدالعلیم خان نے کہا کہ پاک فوج کسی بھی جارحیت کا منہ توڑ جواب دینے کی بھرپور صلاحیت رکھتی ہے۔
رہنما تحریکِ انصاف عبدالعلیم خان نے کہا کہ مودی حکومت عالمی برادری کی توجہ بھارت میں ہونے والے ملک گیر ہنگاموں سے ہٹانا چاہتی ہے، لیکن اس کی یہ کوشش کبھی کامیاب نہیں ہوگی۔
مزید پڑھیں: بھارت جنگی جنون توجہ ہٹانے کی کوشش ہے۔عبدالعلیم خان
