گوگل نیوز پر ہمیں فالو کریںایران میں برطانوی سفیر راب ماکائیر کو گرفتار کر لیا گیا ہے جبکہ ایرانی حکومت نے ان پر الزام لگایا ہے کہ وہ مشکوک سرگرمیوں میں ملوث ہیں۔
ایران کی طرف سے تہران میں یوکرینی طیارہ گرنے پر اپنی غلطی کا اعتراف سامنے آنے کے بعد برطانوی سفیر پر طلباء احتجاج کے دوران مشکوک سرگرمیوں میں مبینہ طور پر ملوث ہونے کا الزام عائد کیا گیا۔
ایرانی حکومت نے الزام لگایا کہ برطانوی سفیر راب ماکائیر تہران میں امیر کبیر یونیورسٹی احتجاج کے دوران ایسی سرگرمیوں میں ملوث نظر آئے جو ان کے عہدے سے مطابقت نہیں رکھتیں۔
حکام نے برطانوی سفیر کو امیر کبیر یونیورسٹی کے سامنے سے طلباء رہنماؤں سے ملاقات کے وقت گرفتار کیا جس کی برطانیہ کے دفترِ خارجہ کی طرف سے تصدیق کی گئی۔
برطانیہ نے ایرانی حکومت سے سفیر کی گرفتاری پر احتجاج کیا۔ برطانوی وزیر خارجہ ڈامینک رآب نے کہا کہ گرفتاری عالمی قوانین اور سفارتی آداب کے خلاف ہے۔
