گوگل نیوز پر ہمیں فالو کریںبالی وڈ اداکار وکی کوشل نے حال ہی میں انکشاف کیا کہ ان کی اہلیہ کترینہ کیف انکی پرفارمنس پر بے لاگ فیڈبیک دیتی ہیں لیکن وہ خود اپنی پرفارمنس پر ایسی کھری تنقید برداشت نہیں کرتیں۔
وکی نے انٹرویو کے دوران کہا کہ کترینہ بہت ایماندار ہیں، وہ جو سوچتی ہیں وہ کہہ دیتی ہیں۔ لیکن کبھی کبھار وہ محتاط رہتی ہیں کیونکہ ہر پراجیکٹ میں بہت محنت شامل ہوتی ہے۔ آپ کو اس کے لیے حساس ہونا پڑتا ہے، اور میں صرف سخت نہیں ہو سکتا۔
انہوں نے مزید کہاکہ کترینہ کی فیڈبیک بہت نادر اور قیمتی ہے۔ وہ بتاتی ہیں کہ یہ اچھا تھا، یہ برا تھا، اور یہ بہتر ہو سکتا تھا۔
یہ انٹرویو کرینہ کپور خان کے ساتھ “دی ہالی وڈ رپورٹر انڈیا” پر ہوا، جہاں کرینہ نے بھی اس بات کا اعتراف کیا کہ وہ خود اپنے شوہر سیف علی خان سے بھی ایسی کھری تنقید نہیں چاہتیں۔
View this post on Instagram
وکی کوشل نے اس بات سے اتفاق کرتے ہوئے کہاکہ یہی معاملہ یہاں بھی ہے، کترینہ بھی ایسی فیڈبیک نہیں چاہتیں۔ پہلا قدم حوصلہ افزائی ہونا چاہیے۔
یہ گفتگو دونوں کے درمیان پروفیشنل اور ذاتی تعلقات کی گہرائی کو ظاہر کرتی ہے جہاں ایمانداری اور حساسیت کا توازن اہمیت رکھتا ہے۔
