گوگل نیوز پر ہمیں فالو کریںپاکستان میں جمعہ کے روز سونے کی قیمت میں نمایاں کمی ریکارڈ کی گئی جو عالمی مارکیٹ میں جاری تنزلی کی عکاسی کرتی ہے۔
آل پاکستان جیمز اینڈ جیولرز صرافہ ایسوسی ایشن کے مطابق مقامی مارکیٹ میں فی تولہ سونا 5000 روپے سستا ہو کر 351000 روپے پر آ گیا ہے۔
اسی طرح 10 گرام سونے کی قیمت میں بھی 4287 روپے کی کمی ہوئی، جس کے بعد نئی قیمت 300925 روپے مقرر ہوئی ہے۔
یہ کمی جمعرات کے روز ہونے والے اضافے کے بعد سامنے آئی ہے، جب فی تولہ سونے کی قیمت 1335 روپے بڑھ کر 356000 روپے تک پہنچ گئی تھی۔
آل پاکستان جیمز اینڈ جیولرز صرافہ ایسوسی ایشن کے مطابق عالمی سطح پر بھی سونے کی قیمت میں کمی ریکارڈ کی گئی، جہاں فی اونس قیمت میں 53 ڈالر کی کمی ہوئی، جس کے بعد نیا نرخ 3290 ڈالر ہو گیاجس میں 20 ڈالر کا پریمیئم شامل ہے۔
علاوہ ازیں چاندی کی قیمت میں بھی کمی دیکھی گئی، اور فی تولہ چاندی 68 روپے سستی ہو کر 3782 روپے ہو گئی۔
