گوگل نیوز پر ہمیں فالو کریںکراچی انتظامیہ نے محرم الحرام کے سلسلے میں سیکورٹی خدشات کے پیش نظر دو روز کے لیے موٹر سائیکل پر ڈبل سواری پر پابندی عائد کر دی ہے۔
حکومت کے جاری کردہ نوٹیفکیشن کے مطابق نویں اور دسویں محرم کو ڈبل سواری پر مکمل پابندی ہوگی جس کا مقصد شہر میں امن و امان برقرار رکھنا ہے۔
تمام متعلقہ اداروں اور محکموں کو ہدایت جاری کی گئی ہے کہ وہ اس پابندی پر سختی سے عمل درآمد یقینی بنائیں۔
ادھر سندھ حکومت نے محرم الحرام کے دوران سیکورٹی پلان جاری کر دیا ہے جس میں بغیر اجازت جلوس نکالنے، روٹ تبدیل کرنے اور اشتعال انگیز مواد پر مکمل پابندی عائد کر دی گئی ہے۔
حکام نے تمام اضلاع کو ہدایت دی ہے کہ وہ بجلی، پانی، اسٹریٹ لائٹس ور صفائی کے مناسب انتظامات کو یقینی بنائیں اور واضح کیا ہے کہ کوئی بھی جلوس مکمل سیکورٹی انتظامات کے بغیر نہ نکلے۔
مزید برآں نفرت انگیز آڈیو، ویڈیو اور تحریری مواد کی خرید و فروخت پر مکمل پابندی بھی عائد کر دی گئی ہے تاکہ مذہبی ہم آہنگی کو نقصان پہنچانے والی کسی بھی کوشش کو روکا جا سکے۔
