گوگل نیوز پر ہمیں فالو کریںجب بات خوبصورتی، دماغی سکون اور مجموعی صحت کی ہو، تو شاید سب سے کم توجہ دی جانے والی چیز “نیند” ہے لیکن ماہرین کہتے ہیں کہ یہی وہ عنصر ہے جو نہ صرف آپ کے چہرے کو تروتازہ رکھتا ہے بلکہ ذہن کو بھی جِلا بخشتا ہے۔
تحقیق سے معلوم ہوا ہے کہ وہ افراد جو روزانہ 7 سے 8 گھنٹے کی نیند لیتے ہیں ان کی جلد زیادہ صاف، چمک دار اور مہاسوں سے پاک ہوتی ہے۔ نیند نہ صرف چہرے پر تازگی لاتی ہے بلکہ آنکھوں کے گرد سیاہ حلقوں کو بھی روکتی ہے۔
ایک نئی تحقیق سے یہ بھی معلوم ہوا ہے کہ جن طالب علموں کی نیند متاثر ہوتی ہے، ان کی جلد بھی متاثر ہوتی ہے اور وہ دماغی طور پر بھی کمزور محسوس کرتے ہیں۔ یہ افراد نہ صرف کم پرکشش نظر آتے ہیں بلکہ ان میں یادداشت کی کمزوری بھی پائی جاتی ہے۔
ماہرین کا ماننا ہے کہ نیند کے دوران ہمارا دماغ روزمرہ کی یادداشتوں کو طویل المدتی یادوں میں تبدیل کرتا ہے۔ یہی وجہ ہے کہ جو افراد اچھی نیند لیتے ہیں، ان کی سیکھنے اور یاد رکھنے کی صلاحیت بہتر ہوتی ہے۔
