گوگل نیوز پر ہمیں فالو کریںمعروف ٹک ٹاکر نٹالی رینالڈز کو سوشل میڈیا پر شدید تنقید اور عوامی دباؤ کے بعد ٹک ٹاک سے بین کر دیا گیا ہے۔
یہ اقدام اس وقت اٹھایا گیا جب انہوں نے ایک ذہنی معذور اور تیرنا نہ جاننے والی بے گھر خاتون کو 20 ڈالر دینے کا جھانسہ دے کر جھیل میں چھلانگ لگوانے پر مجبور کیا اور خود مدد کرنے کے بجائے موقع سے فرار ہو گئیں۔
ویڈیو وائرل ہونے پر صارفین نے شدید ردعمل دیا اور قانونی کارروائی کا مطالبہ کیا۔ نٹالی نے اسے ایک “اسٹنٹ” قرار دیا لیکن ویڈیو میں خاتون کی چیخ و پکار اور انفلوئنسر کا بھاگنا سب کچھ واضح کر گیا۔
‼️TikToker Natalie Reynolds was banned from TikTok for deceiving a mentally ill homeless woman into jumping into a lake, by promising her $20.00, and then running away when she could not swim.
Austin fire dept/paramedics had to pull her out of the water. pic.twitter.com/1N3RnnU48t
— i Expose Racists & Pedos (@SeeRacists) June 9, 2025
ٹک ٹاک سے بین ہونے کے بعد نٹالی کو لاس اینجلس ہیڈکوارٹر کے باہر روتے ہوئے اور پابندی ختم کروانے کی کوشش کرتے دیکھا گیا۔
نٹالی نے الزام لگایا کہ یہ سب دوسرے کریئیٹرز کے حسد کا نتیجہ ہے مگر صارفین کے مطابق یہ پابندی غیرذمہ دارانہ اور غیرانسانی رویے کا نتیجہ ہے۔
یاد رہے، نٹالی رینالڈز نے 2022 میں لپ سنک ویڈیوز سے شہرت حاصل کی اور بعد میں اپنے پارٹنر کے ساتھ پرینک ویڈیوز بنا کر لاکھوں فالوورز حاصل کیے۔
