گوگل نیوز پر ہمیں فالو کریںوزیر ریلوے حنیف عباسی نے عید الفطر پر کرایوں میں کمی کرنے کا اعلان کرتے ہوئے کہا کہ 25 رمضان سے 4 خصوصی عید ٹرینیں چلائی جائیں گی۔
پارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ چند دنوں میں آپ کو ریلوے کے محکمے میں بہتری نظر آئے گی، عید الفطر کی نسبت سے 4 اسپیشل عید ٹرینیں چلا رہے ہیں، 25 رمضان سے یہ ٹرینیں چلائی جائیں گی، آج محکمہ ریلوے پر وزارت میں بریفنگ لی ہے۔
حنیف عباسی نے کہا کہ ریلوے کے خسارے کو کم کرنے کے لیے دن رات محنت کریں گے، ریلوے اسٹیشن پر سامان کی اسکیننگ مشین خراب ہونے کی اطلاعات ملی ہیں، اس حوالے سے آئندہ روز میں میٹنگ کروں گا۔
انہوں نے مزید کہا کہ وزیراعظم کے احکامات کے مطابق ریلوے کے نظام میں بہتری لائیں گے، ریلوے کی سیکیورٹی اتنی اچھی نہیں، سیکیورٹی بہتر لانے کے لیے اقدامات کریں گے۔
یاد رہے کہ حنیف عباسی کو حال ہی میں وفاقی کابینہ میں شامل کیا گیا ہے اور انہیں تین روز پہلے ہی وزارت ریلوے کا قلمدان دیا گیا ہے۔
