گوگل نیوز پر ہمیں فالو کریںخیبر پختونخوا حکومت نے صوبے کے کم آمدنی والے گھرانوں کے لیے مفت سولر پینل اسکیم متعارف کرائی ہے جس کا مقصد ضرورت مند خاندانوں کو متبادل توانائی کی سہولت فراہم کرنا ہے۔
اس اسکیم سے احساس پروگرام اور بے نظیر انکم سپورٹ پروگرام میں رجسٹرڈ 1لاکھ 30ہزار خاندانوں کو فائدہ پہنچے گا، اس لئے اسکیم سے فائدہ اٹھانے کیلئے رجسٹرڈ ہونا ضروری ہے۔
پہلے مرحلے میں 32ہزار 500 مستحقین کا انتخاب قرعہ اندازی کے ذریعے کیا جائے گا جس میں ان علاقوں کو ترجیح دی جائے گی جہاں بجلی کی سہولت موجود نہیں یا جو توانائی کے بحران سے شدید متاثر ہیں۔
خصوصی مراعات یافتہ طبقات
اس اسکیم میں یتیم بچوں، بیواؤں، معذور افراد اور خواجہ سرا برادری کے افراد کو بھی خصوصی اہمیت دی جائے گی تاکہ انہیں بجلی کی بہتر سہولت فراہم کی جا سکے۔
کامیاب درخواست گزاروں کو کیا ملے گا؟
منتخب ہونے والے افراد کو سولر پینل کٹ فراہم کی جائے گی جس میں ایک کنٹرولر، لائٹ بلب، پنکھا، اور بیٹری شامل ہوں گے۔
وزیر اعلیٰ خیبر پختونخوا کا مؤقف
خیبر پختونخوا کے وزیر اعلیٰ علی امین گنڈا پور نے کہا کہ اس پروگرام کا مقصد صوبے میں بجلی کے مسائل کو حل کرنا اور پسماندہ طبقے کو توانائی کی سہولت فراہم کرنا ہے۔
ان کا کہنا تھا کہ سولر پینل کی تقسیم مکمل طور پر میرٹ کی بنیاد پر ہوگی اور کسی بھی قسم کی بدعنوانی کو برداشت نہیں کیا جائے گا۔
انہوں نے مزید کہا کہ اس اسکیم کے لیے سب سے زیادہ درخواستیں ڈیرہ اسماعیل خان کے شہریوں کی طرف سے موصول ہوئیں۔ وزیر اعلیٰ نے تمام اراکین صوبائی اسمبلی کو ہدایت دی کہ انتخاب شفاف قرعہ اندازی کے ذریعے کیا جائے۔
وزیر اعلیٰ علی امین گنڈا پور نے کہا کہ کارکردگی ہی اصل مقابلہ ہونی چاہیے اور خیبر پختونخوا ہمیشہ اس حوالے سے سبقت لے گیا ہے۔
