گوگل نیوز پر ہمیں فالو کریںاسرائیلی جیل سے 21 سال کی قید کے بعد رہائی پانے والا فلسطینی اپنے گھر کی چھت سے گر کر جاں بحق ہوگیا۔
فلسطینی نیوز اینڈ انفارمیشن ایجنسی (وفا) نے مقامی ذرائع کے حوالے سے بتایا کہ ایڈیٹر نائل سلامہ عبید مقبوضہ بیت المقدس کے شمال مشرق میں واقع قصبے العیساویہ میں اپنے گھر کی چھت سے گر کر جاں بحق ہوئے۔
حسن نصر اللہ کی نماز جنازہ کل ہوگی، لبنان کے تمام ٹکٹ فروخت، تاریخ ساز اجتماع متوقع
ذرائع نے بتایا کہ نائل سلامہ عبید کو گزشتہ ہفتے جنگ بندی معاہدے کے تحت قیدیوں کے چھٹے تبادلے کے تحت رہا کیا گیا تھا۔ نائل سلامہ نے 21 سال اسرائیلی جیلوں میں گزارے تھے۔ نائل سلامہ عبید القسام بریگیڈ کے رکن تھے۔ انہیں 2004 میں گرفتار کیا گیا تھا۔ نائل سلامہ کو 7 مرتبہ عمر قید اور 30 سال اضافی قید کی سزا سنائی گئی تھی۔
دوسری طرف آج معاہدے کے تحت فلسطینی قیدیوں کی رہائی کو اسرائیل نے سیکورٹی مشاورت کا بہانہ بنا کر موخر کردیا ہے، جو جنگ بندی معاہدے کی شدید خلاف ورزی ہے۔
