گوگل نیوز پر ہمیں فالو کریںمہاجر قومی موومنٹ کے چیئرمین آفاق احمد کو گرفتار کرلیا گیا۔
پولیس ذرائع کے مطابق آفاق احمد کو اشتعال انگیز بیان پر گرفتار کیا گیا۔ قبل ازیں پریس کانفرنس کرتے ہوئے آفاق احمدکا کہناتھاکہ صرف 40 دن میں92 افراد ٹرکوں اور ڈمپروں کےنیچےکچلےگئے، ہم نے ہیوی ٹریفک شہر میں آنے کی اجازت نہ دینے کا خیرمقدم کیا۔
انہوں نے کہاکہ بعض مقامات پر ٹریفک حادثات پرمشتعل افرادنےگاڑیوں کوآگ لگائی، لانڈھی میں عوام گزشتہ روز کے حادثےکی وجہ سے مشتمل تھے۔
آفاق احمد نے اپیل کی کہ عوام احتجاج کریں، گاڑیوں کو نہ جلائیں، عوام اس صورتحال سے غلط فائدہ اٹھانے والوں پر نظر رکھیں۔
واضح رہے کہ آفاق احمد ماضی میں مختلف قسم کے متنازعہ بیانات اور تقاریر کے لیے مشہور رہے ہیں۔ بعض اوقات ان کی تقریریں مختلف برادریوں کے بارے میں سخت تبصروں پر مشتمل بھی رہی ہیں جن میں پٹھانوں اور دیگر نسلی گروپوں کے بارے میں متنازع زبان استعمال کی گئی۔
