نئے سال کا آغاز جرائم کے ساتھ: پولیس نے اسٹریٹ کرمنلز کو گرفتار کر لیا

کراچی پولیس نے جرائم کے ساتھ نئے سال کا آغاز کرنے والے 2 اسٹریٹ کرمنلز کو گرفتار کرتے ہوئے ان کے خلاف مقدمہ درج کر لیا ہے۔

شہرِ قائد کے علاقے گلشن اقبال سے گرفتار کیے گئے ملزمان کے نام فہد اور نبیل ہیں جبکہ ان کے خلاف سالِ نو کا پہلا مقدمہ چوری کی موٹر سائیکل برآمدگی اور غیر قانونی اسلحہ رکھنے کی دفعات کے تحت درج کیا گیا۔

مقدمہ نمبر 01/2020 کے مطابق ملزمان سے چوری کیے گئے 3 عدد پرس اور 1 پستول بھی برآمد کیا گیا جبکہ ملزمان سے دورانِ تفتیش مزید انکشافات کی توقع ہے۔

پولیس  کے مطابق فہد اور نبیل نامی ملزمان عادی اسٹریٹ کرمنلز ہیں جو اس سے قبل چوری اور ڈکیتی کی متعدد وارداتیں کرچکے ہیں۔ ملزمان کے خلاف مقدمہ گلشن قبال تھانے میں درج کیا گیا۔