گوگل نیوز پر ہمیں فالو کریںپی ٹی آئی قیادت ایک بار پھر جمعیت علمائے اسلام کے سربراہ مولانا فضل الرحمان سے ملاقات کیلئے ان کے گھر پہنچ گئی۔
پی ٹی آئی وفد میں اسد قیصر، عمر ایوب، صاحبزادہ حامد رضا، سلمان اکرم راجہ اور اخونزادہ حسین شامل تھے۔ ملاقات میں پی ٹی آئی نے مولانا فضل الرحمن کو گرینڈ الائنس میں شرکت کی دعوت دے دی۔
ٹرمپ کے ایلچی نے عمران خان کی حمایت میں کی ہوئی اپنی تمام ٹویٹس ڈیلیٹ کردیں
قبل ازیں تحریک انصاف کے رہنما عمر ایوب نے کہا کہ بانی پی ٹی آئی عمران خان کی ہدایت پر مولانا فضل الرحمان کے پاس پہنچے ہیں، ہماری کوشش ہے کہ اپوزیشن جماعتوں کو ایک پلیٹ فارم پر اکٹھا کریں۔
پی ٹی آئی کے رہنما سلمان اکرم راجہ نے میڈیا سے گفتگو کرتے ہوئے کہا کہ 26ویں ترمیم کے بعد آج مولانا فضل الرحمان سے ملاقات ہورہی ہے، آج کی ملاقات بانی پی ٹی آئی کہ ہدایت پر کی جارہی ہے۔
سلمان اکرم راجہ نے کہا کہ حکومت سے مذاکرات کا سلسلہ ختم ہوگیا ہے، حکومت سے آگے اب مذاکرات کا کوئی چانس نہیں ہے۔
