گوگل نیوز پر ہمیں فالو کریںاسلام آباد: سینیٹ کا اجلاس آج پارلیمنٹ ہاؤس میں ہو گا،صبح 11:30 بجے شروع ہونے والے اجلاس میں پیکا ایکٹ منظوری بل بھی شامل ہوگا۔
ایجنڈے کے مطابق الیکٹرانک جرائم کی روک تھام ایکٹ (ترمیمی) بل 2025 کی منظوری ایجنڈے کا حصہ ہے۔ ڈیجیٹل نیشن پاکستان بل 2025 بھی آج کے اجلاس میں منظوری کے لیے پیش کیا جائے گا۔
وزیر داخلہ محسن نقوی سیشن کے دوران تین بل، دی پریونشن آف اسمگلنگ آف مائیگرنٹس (ترمیمی) بل 2025، افراد کی اسمگلنگ کی روک تھام (ترمیمی) بل2025 اور امیگریشن (ترمیمی) بل 2025، پیش کریں گے۔
سینیٹر فیصل واؤڈا ٹیکس کی وصولی میں اضافے کے بہانے ایف بی آر کے اپنے فیلڈ افسران کے لیے 1010 گاڑیاں خریدنے کے حالیہ فیصلے کے مالی اثرات کی طرف وزیر خزانہ و محصولات کی توجہ مبذول کرائیں گے۔
سینیٹر عرفان صدیقی نے تحریک پیش کی کہ سینیٹ میں رولز آف پروسیجر اینڈ کنڈکٹ آف بزنس، 2012 کے رولز 15، 16، 171 اور 172 ایف میں مجوزہ ترامیم کو زیر غور لایا جائے اور منظور کیا جائے۔
