گوگل نیوز پر ہمیں فالو کریںپیر کے روز پاکستان میں سونے کی قیمتوں میں بڑی کمی دیکھنے میں آئی جو حالیہ اضافے کے رجحان کے برعکس ہے۔
آل پاکستان جیمز اینڈ جیولرز ایسوسی ایشن کی رپورٹ کے مطابق مقامی مارکیٹ میں فی تولہ سونے کی قیمت میں ایک ہزار پانچ سو روپے کی کمی ہوئی جس کے بعد یہ دو لاکھ اناسی ہزار تین سو روپے پر آ گئی۔
اسی طرح دس گرام سونے کی قیمت میں ایک ہزار دو سو چھیاسی روپے کی کمی ہوئی جس کے بعد یہ دو لاکھ انتالیس ہزار چار سو پچپن روپے تک پہنچ گئی۔
چکن، مٹن، بیف، پھل اور سبزیاں بے پناہ مہنگی، اصل قیمتیں جانتے ہیں؟
ہفتے کے روز فی تولہ سونے کی قیمت میں ایک ہزار چار سو روپے کا اضافہ ہوا تھاجس کے بعد یہ دو لاکھ اسی ہزار آٹھ سو روپے پر پہنچ گئی تھی۔
عالمی منڈی میں بھی پیر کے روز سونے کی قیمت میں کمی دیکھی گئی۔ ایسوسی ایشن کے مطابق بین الاقوامی سطح پر سونے کی قیمت دو ہزار چھ سو پچھتر ڈالر فی اونس رہی (جس میں بیس ڈالر کا پریمیم شامل ہے)، جو پچھلے روز کے مقابلے میں پندرہ ڈالر کم ہے۔اس کے برعکس، چاندی کی قیمتیں مستحکم رہیں اور یہ تین ہزار تین سو پچاس روپے فی تولہ پر برقرار رہیں۔
