گوگل نیوز پر ہمیں فالو کریںسینئر سیاست داں سینیٹر مشتاق احمد کے حوالے سے سوشل میڈیا پر یہ خبریں بڑی تیزی سے چل رہی ہیں کہ انہوں نے اپنی پارٹی جماعت اسلامی سے اپنا دیرینہ تعلق ختم کردیا ہے۔
تاہم اب سینیٹر مشتاق کی جانب سے اس حوالے سے وضاحت آگئی ہے، جس میں انہوں نے جماعت اسلامی چھوڑنے کی خبروں کی تردید کردی۔
سینیٹر مشتاق احمد نے کہا کہ میری جماعت اسلامی چھوڑ کر پی ٹی آئی جوائن کرنے کی خبر درست نہیں، اگرچہ گزشتہ 3 سال سے میں کسی ذمہ داری پر ہوں نہ ہی کسی بھی سطح کے تنظیمی فورم کا ممبر لیکن میرا پلیٹ فارم جماعت اسلامی ہی ہے۔
انہوں نے کہا کہ میں بانی پی ٹی آئی عمران خان، ان کے کارکنان کی جمہوریت کیلئے جدوجہد، قید و بند، جرمانے اور جانوں کی قربانیوں کو قدر کی نگاہ سے دیکھتا ہوں۔
جماعت اسلامی کے رہنما نے کہا کہ پی ٹی آئی کی جمہوری جدوجہد کی حمایت ہمیشہ میرٹ پر کرتا ہوں، یہ حمایت کسی سیاسی فائدہ کیلئے نہیں بلکہ سیاست و جمہوریت کو بچانے کیلئے ہے۔
