گوگل نیوز پر ہمیں فالو کریںسندھ اور بالخصوص کراچی شہر میں طوفانی بارشوں کے دوران تعلیمی اداروں کی چھٹی ایک بڑا مسئلہ بن گئی ہے۔ سوشل میڈیا پر اس حوالے سے افواہوں کی بھرمار ہے، ایسے میں اب صوبائی حکومت کی جانب سے فیصلہ سامنے آگیا ہے۔
سندھ حکومت نے بالآخر صوبے کے مختلف علاقوں میں شدید بارشوں کے دوران طلبہ اور اساتذہ کی تکالیف کے پیش نظر تعلیمی اداروں میں چھٹی کا اختیار ڈپٹی کمشنر کو دے دیا۔
محکمہ تعلیم سندھ نے صوبے کے تمام ضلعی ڈپٹی کمشنرز کو مراسلہ لکھ دیا۔ خط میں کہا گیا کہ بارشوں سے پیدا صورتحال میں تعلیمی اداروں میں چھٹی کا اختیار ڈپٹی کمشنرز کو ہو گا۔
محکمہ تعلیم کے مطابق ڈپٹی کمشنرز تعلیمی اداروں میں تعطیل سے متعلق خود فیصلہ کر سکتے ہیں، ڈپٹی کمشنرز محکمہ تعلیم سے مشاورت کے بعد ضلع میں چھٹی کرانے کا مجاز ہو گا۔
فیصلہ سندھ بھر میں بارشوں سے پیدا صورتحال کے پیش نظر کیا گیا ہے۔
