اب کوئی پتنگ اڑا کر تو دکھائے، حکومت کا ایسا اقدام کہ پتنگ بازوں کی نیندیں اڑ جائیں

محکمہ داخلہ پنجاب کے مطابق صوبائی کابینہ نے پتنگ بازی (ممانعت) ایکٹ 2007 میں اہم ترامیم کی منظوری دے دی ہے۔

نئی ترامیم میں پتنگ بازی، پتنگ سازی اور پتنگوں سے متعلقہ اشیاء کی نقل و حمل، جیسے دھاتی تار رکھنے کو ناقابل ضمانت جرم قرار دیا گیا ہے۔

مجرموں کو تین سے پانچ سال تک قید، 20 لاکھ روپے تک جرمانہ یا دونوں سزائیں ہو سکتی ہیں۔ جرمانہ ادا نہ کرنے کی صورت میں مزید ایک سال قید کی سزا ہو سکتی ہے۔

پتنگ سازی یا نقل و حمل میں ملوث افراد کے لیے سزائیں اور بھی سخت ہیں۔ سزاؤں کے نتیجے میں پانچ سے سات سال قید یا 50 لاکھ تک جرمانہ ہو سکتا ہے، جرمانے کی عدم ادائیگی پر مزید دو سال قید ہو سکتی ہے۔

پتنگ بازی کرتے ہوئے پکڑے جانے والے نابالغوں کے معاملے میں نئے ضوابط میں پہلے جرم کے لیے وارننگ دی گئی ہے۔ دوسرے جرم کے نتیجے میں 50ہزار جرمانہ ہوگا جبکہ تیسری خلاف ورزی پر ایک لاکھ جرمانہ ہو گا۔