بحرین کے شہزادے سے لے کر سلمان خان تک سے محبت، اداکارہ کی تصویری کہانی

بالی ووڈ فلم کک میں سلمان خان کے ہمراہ اداکاری کے جوہر دکھانے والی جیکلین فرنانڈس کا شمار انڈسٹری کی صفِ اوّل کی ہیروئنز میں کیاجاتا ہے۔

جیکلین فرنانڈس نے رواں ماہ 11اگست کو ہی اپنی 39ویں سالگرہ منائی تھی۔ بھارتی میڈیا کا کہنا ہے کہ بحرین کے شہزادے سے لے کر بالی ووڈ اسٹار سلمان خان تک سے افیئرز اور رشتے میں رہنے والی جیکلین فرنانڈس کا نام جیل کے میگا ٹھگ سے بھی منسلک رہا۔

اپنے فلمی کیرئیر کا آغاز فلم الاؤ سے کرنے والی جیکلین فرنانڈس نے امیتابھ بچن، رتیش دیش مکھ اور اکشے کمار سمیت چوٹی کے بالی ووڈ فنکاروں کے ساتھ کام کیا ہے۔ اپنی اداکاری اور خوبصورتی کے علاوہ جیکلین فرنانڈس کی محنت بھی بہت سراہی گئی۔

مثال کے طور پر کک 2 میں جیکلین فرنانڈس نے جس قسم کا رقص کیا، عموماً بالی ووڈ ہیروئنز ایسے رقص سے کتراتی ہیں، انہیں کچھ فلموں میں ایکشن کرتے ہوئے بھی دکھایا گیا جس سے یہ اداکارہ کترینہ کیف کے مقابلے پر آ کر کھڑی ہوجاتی ہے جس نے دھوم میں اداکاری کی۔

مرڈر 2، ریس 2، ہاؤس فل 2، ریس 3 اور جڑواں 2 میں بھی جیکلین فرنانڈس نے اداکاری کے جوہر دکھائے۔ اسی دوران جیکلین فرنانڈس کا تعلق سلمان خان سے جڑ گیا۔ 2014 میں سلمان خان کی فلم کک آنے کے بعد سلمان خان سے افیئر کے چرچے ہونے لگے۔

اس حوالے سے خود جیکلین فرنانڈس کا کہنا ہے کہ سلمان خان میرے صرف اچھے دوست ہیں۔ بھارتی میڈیا کا کہنا ہے کہ  ایک ٹھگ سکیش چندر سیکھر بھی جیکلین فرنانڈس کے ساتھ سرخیوں کا حصہ بنا جو ان کو جیل سے خط لکھتا رہاہے جس کی پولیس کو رپورٹ کی گئی۔

ماضی میں جیکلین فرنانڈس کے تعلقات بحرین کے شہزادہ حسن بن راشد علی خلیفہ کے ساتھ رہے۔ بھارتی میڈیا کے مطابق 90 ہزار کروڑ کا مالک جیکلین فرنانڈس سے عشق میں دل ہار گیا تاہم 10سال تک یہ رشتہ جاری رہنے کے بعد ختم ہوگیا تھا کیونکہ ان کی زندگی میں ساجد خان نے انٹری لے لی تھی۔

ایک فلم کی شوٹنگ کے دوران جیکلین فرنانڈس اور ساجد خان کے مابین قربتیں بڑھنے کی افواہیں پھیل گئی تھیں اور پھر دونوں کا بریک اپ ہوگیا۔ کچھ بھارتی میڈیا آؤٹ لیٹس نے یہ بھیہ کہا کہ بحرین کے شہزادے سے علیحدگی کی وجہ ساجد خان سے قربت تھی۔