گوگل نیوز پر ہمیں فالو کریںلاہور میں مریضہ سے زیادتی کے ملزم کو پولیس نے گرفتار کرکے قانونی کارروائی شروع کردی۔
پولیس نے بتایا کہ ایک شخص اپنی بیوی کو لاہور میں گارڈن ٹاؤن کے ایک نجی اسپتال میں علاج کے لیے لے گیا جہاں مریضہ کو علاج کے مقاصد کے لیے مختصر طور پر بے ہوش کر دیا گیا۔
اسپتال اسٹاف کے ایک رکن نے خاتون کے شوہر کو ہدایت کی کہ وہ ہوش میں آنے تک کمرے کے باہر انتظار کریں۔
کچھ دیر بعد وہ شخص اپنی بیوی کو دیکھنے کے لیے کمرے میں داخل ہوا جب اس نے اسپتال کے ملازم کو قابل اعتراض حرکت کرتے پایا۔
پولیس نے خاتون کے شوہر کی درخواست پر ملزم کو حراست میں لے کر کارروائی شروع کردی ہے۔
واضح رہے کہ کچھ روز پہلے بھی پنجاب کے اسپتال میں ڈاکٹر کی طرف سے مریضہ خاتون سے زیادتی کے اطلاعات سامنے آئیں تھیں جس کے بعد ڈاکٹر کو پولیس نے گرفتار کرلیا تھا۔
